Kryedemokrati Lulzim Basha është zotuar sot nga foltorja e Kuvendit, gjatë ceremonisë së nderimit dhe kujtimit të vrasjes së deputeteve opozitarë, se do të punojë bashkë me PD-në, që situata aktuale të ndryshojë.
Ai numëroi 5 pikat e platformës së demokratëve lidhur me gjithë sa duhet bërë për ta çliruar vendit nga e shkuara dhe për të hedhur dritë rreth të vërtetës historike që mbahet ende në errësirë.
Zotimet e Bashes:
- Të gjejmë dhe identifikojmë eshtrat e viktimave të pazbuluara
- Të nderojmë emrat e martirëve të vërtetë të demokracisë dhe pluralizmit dhe ti kujtojmë ata që të rrëfejnë jetën, tragjeditë.
- Duhet të tregojmë krimet e komunizmit dhe historinë tragjike se si një popull ra në kthetrat e komunizmit
- T’u presim rrugën njëherë e mirë drejtuesve të lartë komunistë nga drejtimi i vendit
- Ndalimin publik të shenjave dhe simboleve të figurës së Enver Hoxhës dhe komunizmit