Policia e Lezhës ka arrestuar një shtetas i cili ishte shpallur në kërkim ndërkombëtar sepse ishte dënuar me 5 vjet e 4 muaj burgim.
Si rezultat i operacionit policor “Leistung”, u bë kapja dhe ndalimi i shtetasit: Arben Pershqefni , 45 vjeç, banues në Laç – Kurbin.
“Ky shtetas ishte shpallur në kërkim ndërkombëtar, pasi Gjykata e Apelit, Torino – Itali, me vendim nr. 3385/11 N. 627/R.G.APP, datë 25.10.2011, e ka dënuar këtë shtetas me 5 vjet e 4 muaj burgim, për veprën penale të ” Shkelje të ligjit mbi drogën në bashkëpunim” të parashikuara nga nenet 110 i Kodit Penal Italian dhe neni 73 i Dekretit 309/90.
Këtij shtetasi i kanë mbetur për të vuajtur dhe 4 vjet e 3 muaj e 27 ditë burgim”, thuhet në njoftimin për shtyp.
Materialet proceduriale do ti kalojnë Prokurorisë së Rrethit Gjyqësor Kurbin për ndjekje të mëtejshme.
NDIQE LIVE "PANORAMA TV" © Panorama.al
