Më 21 mars të këtij viti nisi prezantimi i këngëve dhe këngëtarëve që do të marrin pjesë në “Kënga Magjike 2021”.
Netët gjysmëfinale do të mbahen më 26 dhe 27 maj, ndërsa finalja më 29 maj.
Prezantuesi i këtij eventi, Ardit Gjebrea, ka njoftuar nëpërmjet një postimi në Instagram se kush do të jetë shoqëruesja e tij në netët finale të spektaklit. Bëhet fjalë për këngëtaren Marsela Çibukaj.
“Gëzuar! Për prezantimin bashkë të netëve finale të ‘Kënga Magjike 2021’. Marsela Çibukaj, mbi të gjitha, artiste!”, shkroi moderatori krahas një fotoje që postoi, ku shfaqej krah këngëtares.
Gjatë muajit shkurt, Ardit Gjebrea u infektua me Covid-19 dhe u detyrua që programin e tij t’ia besonte Marselës për një periudhë të shkurtër, e cila shoqërohej edhe nga Enkel Demi dhe Gentian Zenelaj.
Performanca e Marselës i mahniti të gjithë, duke qenë se ajo nuk ka eksperienca të mëparshme në këtë fushë.
