Ambasadorja e Shteteve të Bashkuara në Tiranë, Yuri Kim ka zhvilluar sot një takim me deputetët e opozitës së re Rudina Hajdari dhe Ralf Gjoni.
Sipas postimit në faqen e ambasadës, zonja Kim ka shprehur vlerësimin e saj ndaj deputetëve për angazhimin procesin demokratik dhe vijueshmërinë e punës për çështje të rëndësishme në Parlament.
“Ambasadorja e Shteteve të Bashkuara Yuri Kim u shprehu deputetëve të opozitës Rudina Hajdari dhe Ralf Gjoni vlerësimin e saj për qëndrimin të angazhuar në procesin demokratik dhe vijueshmërinë e punës për çështje të rëndësishme në Parlament. Gjatë takimit të tyre më 11 shkurt, Ambasadorja dhe dy deputetët biseduan gjithashtu edhe për rëndësinë e gjetjes së një rruge të përbashkët, si dhe për zbatimin e reformës zgjedhore, gjë e cila është thelbësore për forcimin e demokracisë së Shqipërisë dhe të ardhmen evropiane të saj”, shkruan ambasada.
NDIQE LIVE "PANORAMA TV" © Panorama.al
