Shpërthim me lëndë plasëse pranë një lokali në zonën e Bathores, në kryeqytet.
Ngjarja ka ndodhur mbrëmjen e së enjtes rreth orës 23:50.
Burimet zyrtare thanë se nga shpërthimi ka vetëm dëme materiale.
Lokali ku ka ndodhur shpërthimi mësohet se është në pronësi të shtetasit Xhelal Daci, babai i Elson Dacit, i arrestuar më 22 dhjetor të vitit të kaluar si autor i dyshuar i vrasjes së dy vëllezërve Kolaveri në një lokal po në këtë zonë.
Forcat e policisë po punojnë për zbardhjen e rrethanave dhe identifikimin e autorëve.
NDIQE LIVE "PANORAMA TV" © Panorama.al
