Vrau shoferin e ish-zv.ministrit, “gjenerali” Nehat Kulla kërkon lirimin nga burgu

SHPËRNDAJE

ERALD DELIU/ I ashtuquajturi “Gjenerali”, i cili në vitin e mbrapshtë 1997 krijoi një “komisariat policie” në zonën e “Kinostudios” kërkon të lirohet nga burgu.

Nehat Kulla i është drejtuar pak kohë më parë Gjykatës së Shkallës së Parë Krujë me kërkesën për lirim. Burime pranë Gjykatës së Krujës thonë se shqyrtimi gjyqësor është drejt mbylljes dhe se në shtator pritet të merret edhe vendimi për të ashtuquajturin “Gjenerali”. Kulla është dënuar me 20 vjet burg për vrasjen me paramendim të shtetasit Halim Gjuzi, ish-shoferi i ishzv/ministrit të Arsimit, Halit Shamata.

nehat-kulla

Ai është dënuar edhe për armëmbajtje pa leje. Kur kanë kaluar 13 vjet që nga arrestimi i tij, Kulla i drejtohet Gjykatës për të kërkuar lirinë.

Ai kërkon që pjesën e mbetur të dënimit ta përfundojë në shtëpi.

Çështja po shqyrtohet nga gjyqtarja Engjëllushe Tahiri, e cila më parë i ka aprovuar kërkesën për ulje dënimi Nehat Kullës.

Ky i fundit vuan dënimin me burgim në burgun e Fushë-Krujës.

KËRKESA

“Panorama” mëson nga burime brenda Gjykatës së Krujës se kërkesa e Nehat Kullës për lirim nga burgu është depozituar nga avokati i tij, Detar Hysi, më 29 qershor 2018. Më pas, ka nisur shqyrtimi gjyqësor dhe para disa ditësh është zhvilluar edhe seanca ku është ngritur një grup ekspertësh të Mjekësisë Ligjore për të kryer ekzaminimet shëndetësore të Kullës. Gjendja shëndetësore është një nga arsyet është një nga argumentet e Kullës për lirinë.

Avokati rendit edhe moshën e thyer të të dënuarit, i cili është 63 vjeç tashmë. Ndër të tjera, Nehat Kulla kërkon të qëndrojë edhe pranë bashkëshortes, e cila është gjithashtu e sëmurë. Kujtojmë se Kulla qëndron në burg që nga viti 2005 dhe me gjithë uljet e dënimeve që ka marrë ndër vite, i ka mbetur edhe 1 vit për të kryer burg.

Te lidhura

 

S'KA KOMENTE

Comments are closed.