Jo shumë kohë pasi bërë të ditur ndarjen nga regjisori i njohur Romain Gavras, pas 8 muajsh lidhje, këngëtarja shqiptare Dua Lipa, duket se po shijon një romancë të re.
Sipas mediave ndërkombëtare, ylli shqiptar mësohet se është në një lidhje më aktorin mjaft të njohur britanik, Callum Turner, ylli i filmave “Fantastic Beasts”.
Dyshimet për romancën mes tyre nisën kur çifti u kap duke kërcyer dhe puthur në një festë në Beverly Hills.
Sipas TMZ, festa u organizua në kuadër të premierës së ardhshme të serialit Masters of the Air, në të cilin luan 33-vjeçari Turner.
Këto dyshime i shtoi më tepër edhe vetë aktori, i cili në një prononcim për mediat, i pyetur se çfarë po ndodh mes tij dhe Dua-s, Callum preferoi të mos thoshte asgjë dhe të heshte, gjë e cila u konsiderua si një konfirmim.
