Gazetari Blendi Fevziu teksa ka qenë i ftuar në emisionin “Komitet”, ka folur edhe për prishjen e raporteve të tij me ish-kryeministrin Sali Berisha.
Në rrëfimin e tij sqarues, gazetari thotë se kjo ka ardhur për shkak të emisionit të tij “Opinion”.
“Unë kam pasur një raport miqësor me zotin Berisha, por kur një njeri merret me gazetari dhe të merret si unë që e kam filluar gazetarinë 21 vjeç dhe kam qenë një nga protagonistët e lëvizjes së studentëve, kam dalë në të njëjtën ditë me politikanët se edhe politikanët kishin të njëjtën moshë si unë, po atë ditë në Qytet Studenti kemi dalë të gjithë, kam pasur një raport të mirë.
Më pas emisioni më ka detyruar që të kem raporte me të gjithë ..unë jam një gazetar që paguhem që t’i sjell njerëzit në studio, dhe jo që t’i kritikoj njerëzit nga jashtë. Unë kam pasur një parim i cili ndoshta ka ndikuar që emisioni të jetë jetëgjatë, që raporti miqësor nuk ndikon në raportin profesional. Pra që do të thotë jemi apo s’jemi miq, ti do pyetesh në raport me interesin e publikut..Pa e biseduar kurrë, Berisha e ka respektuar gjithmonë këtë.
Absolutisht ka qenë shumë i mirëkuptueshëm, kurrë nuk më ka folur për emisionin në kuptimin pse u bë kështu, pse u bë ashtu…ndoshta ka qenë i sigurt që nuk do kishte një gjë që do punonte kundër tij siç kanë paranojë politikanët, gjithësecili mendon që emisioni bëhet kundër tij dhe ti je rehat se e di që kjo është paranoja e politikës. Diçka u tensionua në fund të mandatit të Berishës, në fund të vitit 2012, kur unë publikova librin “100 vjet”.
Ky ka qenë i vetmi shkëmbim pak i acaruar mes meje dhe Berishës, për një mënyrë se si unë kisha shkruar vitin 1997. Mbas këtij u kaluam kemi pasur prap një raport korrekt, dhe një moment, kjo ka ndodhur në një emision televiziv, kishte një pakënaqësi një emision përpara por që nuk më erdhi mua direkt, në momentin e dytë, ndodhi një emision sërish që pati disa probleme, Berisha nuk telefonoi më mbrapa, siç telefononte zakonisht, unë nuk e telefonova më sepse e mora vesh që ai u nervozua se kishte biseduar me Aleksandër Frangajn për këtë gjë, ai nuk mori unë nuk e mora. Nuk kam shkëmbyer si të thuash ndonjë sherr, asnjë gjë, pushuan telefonatat”,- tha ai.
NDIQE LIVE "PANORAMA TV" © Panorama.al
