Lëvizja Vetëvendosje ka dalë sot në rrugë para godinës së Qeverisë dhe ka hequr mbrojtëset prej hekuri që ajo kishte vënë këto ditë.
“Qeveria po merr vendime në dëm të popullit dhe pastaj përmes këtyre grilave po mundohet të mbrohet nga populli. Kjo është edhe arsyeja edhe e këtij aksioni të sotëm”, ka thënë Valdrin Ahmeti, aktivistë i kësaj lëvizje.
Ndërkohë sot gjatë ditës, Qeveria ka njoftuar se ajo i siguron qytetarët e Republikës së Kosovës se institucionet e sigurisë janë në nivel të detyrës dhe nuk ka arsye për shqetësim lidhur me gjendjen e sigurisë në vend.
Masat e sigurisë për kryeministrin Isa Mustafa janë shtuar kohëve të fundit pas përplasjeve verbale mes kryeministrit dhe aktivistëve të Lëvizjes Vetëvendosje.
