Pak ditë më parë në stadiumin “Stelman Stermasi” , ndodhën disa episode dhune mes tifozëve ku u desh dhe ndërhyrja e policisë.
Por sipas tifozëve është pretenduar se është ushtruar dhunë nga policia. Kjo e fundit me anë të një njoftimi ka sqaruar këtë situatë. Sipas policisë nuk ka pasur në asnjë rast përdorim dhunë nga uniformat blu.
Njoftimi i policisë
Në lidhje me pretendimin e shtetasit G.M se në datën 10.12.2017 në stadiumin ” Selman Stermasi” perpara zhvillimit të ndeshjes Partizani- Teuta, është ushtruar dhunë ndaj tij nga punonjësit e policisë dhe më pas është shoqeruar ne ambjentet e Komisariatit te Policise Nr.2, sqarojmë se:
As ndaj këtij shtetasi e as ndaj asnjë të shoqëruari nga policia nuk është ushtruar aspak dhunë, por shoqerimi i tij dhe shtetasëve të tjerë u bë pasi ishin të dyshuar për vepren penale prishjen e qetësinë publike në datën 09.12.2017 para zhvillimit të ndeshjes së basketbollit në pallatin e sportit “Asllan Rusi”, ku janë kryer procedurat standarte nga ana e policisë dhe janë proceduar në gjendje të lirë për veprën penale “Prishja e qetësisë publike”.
Për të siguruar rendin dhe qetesinë publike nga shërbimet e policisë përpara fillimit të ndeshjes janë kërkuar kartat e identifikimit dhe janë kryer kontrolle për mbajtjen e sendeve te paligjshme dhe të palejushme në stadium.
Shtetasi G.M dhe të tjerët që u proceduan penalisht, te dyshuar si personat që prishën qetësinë publike në pallatin e sportit “Asllan Rusi” më datën 09.12.2017.
Më datën 10.12.2017, në vijim të ngjarjes së ndodhur më datën 09.12.2017, në pallatin e sportit “Asllan Rusi”, ku gjatë zhvillimit të ndeshjes së basketbollit është prishur qetësia publike, filloi Procedimi Penal në gjendje të lirë, për veprën penale “Prishja e qetësisë publike”, e parashikuar nga Neni 274 i Kodit Penal, në ngarkim të shtetasve:
- A.H, 25 vjeç, lindur Tiranë dhe banues në Tiranë,
- J.Sh, 19 vjeç, lindur Tiranë dhe banues në Tiranë,
- E.G, 18 vjeç, lindur Tiranë dhe banues në Tiranë,
- E.C, 30 vjeç, lindur Tiranë dhe banues në Tiranë,
- G.M, 33 vjeç, lindur Vlorë dhe banues në Tiranë.
Shtetasi G.M dhe gjithë personat e tjerë të shoqëruar, në përfundim të procedurave të para hetimore janë lënë të lirë ku dhe kanë firmosur nē librin e shoqërimit pa shprehur asnjë pretendim për shunë a shkelje të tjeta gjatë procedurave të shoqërimit.
NDIQE LIVE "PANORAMA TV" © Panorama.al