Bajram Begaj, Presidenti i ri i Shqipërisë, i cili u propozua nga Kryesia e Partisë Socialiste dhe që sot mori 78 vota në Parlament, 5 vite më parë ka plotësuar edhe formularin e dekriminalizimit.
Nga të gjitha të dhënat e deklaruara në formular, Bajram Begaj rezulton të jetë një figurë e pastër.
Pyetjeve në formular, Bajram Begaj i është përgjigjur negativisht, që do të thotë se nuk ka probleme me ligjin.
I besuari i mazhorancës për të mbajtur postin e Presidentit ka deklaruar se nuk është dënuar asnjëherë, nuk ka qenë asnjëherë në ndonjë proces hetimit. Gjithashtu nuk ka ndryshuar as emër dhe mbiemër.
Ndërkohë në një hulumtim në databazën online të patronazhistëve të PS-së, Bajram Begaj rezulton të jetë një votues që ka shpëtuar nga ‘radari’ i të majtëve.
Per Begajn theksohet se nuk ka informacion për kë parti politike ka votuar në dy zgjedhjet e fundit parlamentare.
Po ashtu Begaj cilësohet si votues “jo i sigurte”, ndërkohë që preferencat e tij politike janë “pa informacion”.
NDIQE LIVE "PANORAMA TV" © Panorama.al
