Qytetarët janë në hall të madh mbi atë se çfarë duhet të konsumojnë. Kjo për shkak të përdorimit të tepërt të kimikateve në produktet ushqimore.
Hasan Stafa, kreu i Zyrës për Mbrojtjen e Konsumatorit pohon se janë 18 denoncime të bëra nga qytetarët vetëm në tre muajorin e parë të vitit 2019, bëhet fjalë kryesisht për perimet.
Zonat më problematike ku produktet bujqësore trajtohen mbi normë me hormone konsiderohen Berati, Lushnja dhe një pjesë e Elbasanit. Për ekspertin përdorimi mbi normë i kimikateve në produktet bujqësore është provuar se shkakton kancer.
Stafa thotë se problemi qëndron në mosfunksionimin e asnjë prej strukturave shtetërore që ka detyrimin për të monitoruar sigurinë ushqimore duke nisur nga pushteti vendor. Po si mund t’i dallojmë perimet e keqtrajtuara me hormone nga ato bio?
“Merre, prokuroria ta fusë në burg. Për mendimin tim ta pushkatojnë se helmon njerëzimin”, thotë një qytetar.
“Në qoftë se mbahet llafi po, shumë mirë e ka”, tha një tjetër.
“Kryeministri ka thënë shumë gjëra por nuk bëhen të gjitha që thotë kryeministri. Boll të bëhet kontroll në institucionet përkatës”, u shpreh një tjetër.
Por si t’i dallojmë produketet bio nga ato me hormone?
“Duke filluar nga ngjyra, forma shija, nuk është e njëjtë, aq më tepë kur i pret, duket sikur pret një kauçuk dhe nxjerrin një lëng të bardhë jo lëngun normal të produktit”, thotë Stafa.
NDIQE LIVE "PANORAMA TV" © Panorama.al