Deputeti i PD, Eduard Halimi e ka cilësuar vendimin e Gjykatës Kushtetuese për shfuqizimin e ligjit të Byrosë Kombëtare të Hetimit një vendim drejtësie.
Përmes një statusi në Facebook, Halimi shprehet se vendimi i sotëm “frenon një Kryeminister autoritar dhe delirant që vepron ne menyre arbitrare e mendon se qëndron mbi ligjet dhe Kushtetutën”.
Ja statusi i Halimit në Facebook:
Sot Gjykata Kushtetuese pranoi kërkesën e Partisë Demokratike për shfuqizimin si antikushtetues të ligjit per krijimin e Byrose Kombëtare të Hetimit, që de facto caktonte Kryeministrin si kryehetues dhe Kryeprokuror në vend. Përshëndes vendimin e kësaj Gjykate, e cila pavarësisht presioneve te kryeminstrit, qëndroi në anën e parimeve e standardeve ndërkombëtare.
Vendimi i sotëm i Gjykatës Kushtetuese frenon një Kryeminister autoritar dhe delirant që vepron ne menyre arbitrare e mendon se qëndron mbi ligjet dhe Kushtetutën. Krijimi i Byros Kombëtare të Hetimit si një strukturë hetimore nën drejtimin direkt të kryeminsitrit ishte një përpjekje për shkaterimin e shtetit ligjor, të drejtave dhe lirive të qytetarëve, njelloj si burgosja masive e tyre dhe shkaterimi arbitrar i pronave te ligjshme pa asnje leter, me doren kryeministrore
Kjo qeverisje po detyron shqiptarët që të largohen nga vendi dhe të kërkojnë azil në vendet e BE, sepse kanë humbur te drejtat e tyre per te gezuar lirite dhe pronat e tyre, po humbin gjakun dhe djersen e tyre ne vite, dhe po humbin shpresën.
Përshëndes ekipin që ka ndjekur këtë cështje në Gjykatën Kushtetuese, si dhe vetë Gjykaten për vendimin e sotëm, që padyshim i jep shpresë qytetarëve shqiptare se kryeministri autoritarist mund te ndalet dhe se institucionet e pavarura mund te funksionojnë në Shqipëri.
Shqipëria është e shqiptarëve dhe ato duhet të qëndrojnë këtu për t’i thënë ndal të keqes dhe te liges që perhapet dita ditës.
Gjykata Kushtetuese foli sot.
Më 21 Qershor është rradha e shqiptarëve që të flasin dhe që njëzëri ti thonë ndal autoritarizimit dhe arbitratitetit te Kryeministrit.