Një polic në Shtetet e Bashkuara është akuzuar për vrasje, pasi ka qëlluar për vdekje një person me ngjyrë.
Një video e filmuar nga një kalimtar ka treguar policin Michael Thomas Slager duke qëlluar 50-vjeçarin Walter Lamer Scott disa herë në shpinë, teksa ai largohej pas një zënke.
Ngjarja në North Charleston vjen në kohën e tensioneve midis autoriteteve të rendit në SHBA dhe komuniteteve pakicë, pas disa vrasjeve të personave me ngjyrë nga zyrtarët policorë.
Viktima ishte baba i 4 fëmijëve. Slager mbrojti veprimet e tij si në përputhje me procedurën, duke thënë se ai “u ndje i kërcënuar” nga viktima.
Vdekja e Michael Brown në Ferguson të Misurit dhe e Eric Garner në Nju Jork, vitin e kaluar, ka shkaktuar protesta kombëtare.
NDIQE LIVE "PANORAMA TV" © Panorama.al