SHBA do të sekuestrojë avionin me vlerë 90 milionë dollarë, i përket njeriut më të pasur të Dumës ruse

Aug 8, 2022 | 22:36
SHPËRNDAJE

Autoritetet amerikane kanë marrë një urdhër për sekuestrimin e avionit privat të një oligarku rus, me vlerë mbi 90 milionë dollarë, për shkeljen e sanksioneve amerikane për pushtimin rus të Ukrainës.

220808142115-airbus-a319-100-exlarge-169

CNN raporton se autoritetet thonë se avioni Airbus A319-100 është në pronësi të Andrei Skoch, një anëtar i Dumës Shtetërore të Rusisë dhe një miliarder.

Skoch ka qenë në listën e sanksioneve të SHBA-së që nga viti 2018 për pushtimin rus të Krimesë, rajoni lindor i Ukrainës.

Pasi Rusia pushtoi Ukrainën, SHBA-ja vendosi sanksione të mëtejshme kundër Skoch dhe aseteve të tij për “mbështetje të përpjekjeve të Kremlinit për të shkelur sovranitetin dhe integritetin territorial të Ukrainës”.

Sipas prokurorëve federalë, avioni privat aktualisht ndodhet në Kazakistan.

Skoch është pjesërisht pronar i kompanisë së çelikut Lebedinsky Mining, e cila tani është pjesë e konglomeratit Metalloinvest.

Task-forca KleptoCapture e Departamentit të Drejtësisë po synon oligarkët rusë të sanksionuar dhe pasuritë e tyre për mbështetjen e tyre për luftën e paprovokuar të Rusisë kundër Ukrainës.

Ndërkohë “56-vjeçari, babai i 10 fëmijëve, tashmë e ka zhvendosur superjahtin e tij prej 156 milionë dollarësh, Madame Gu, në Dubai për të shmangur konfiskimin e tij”, sipas The Associated Press.

Skoch aktualisht ka një vlerë prej 6.2 miliardë dollarësh, sipas listës së miliarderëve në botë të Forbes.

© Panorama.al

Te lidhura