Ministri i Jashtëm rus Sergei Lavrov anuloi vizitën e tij të parashikuar për të mërkurën drejt Turqisë. Vendimi u mor pas lajmit për rrëzimin e një avioni rus që kishte shkelur hapësirën ajrore turke.
Mediat në turke raportojnë se Lavrov do të vizitonte të mërkurën Stambollin për të takuar homologun e tij. “Një vendim është marrë për të anuluar takimin në nivel ministrash të Jashtëm rus dhe turk, i planifikuar të mbahej nesër në Stamboll”,- u ka thënë gazetarëve në Soçi Lavrov, sipas agjencisë së lajmeve “Anadolu”.
Ndër të tjera, ministri i Jashtëm rus ka paralajmëruar qytetarët e tij që të mos udhëtojnë drejt Turqisë, duke pretenduar se kërcënimi nga terrorizmi në këtë vend është aq i lartë sa në Egjipt, ku një aeroplan rus u rrëzua muajin e kaluar nga një bombë e dyshuar nga terroristët.
NDIQE LIVE "PANORAMA TV" © Panorama.al
