U mbajt sot në Parkun Kombëtar “Apolonia” ceremonia e vlerësimit të disa prej personaliteteve më të shquara të Fierit.
Presidenti Ilir Meta u akordoi titullin “Mjeshtër i Madh” aktorëve Arqile Lipes, Todi Llupit, Astrit Hasanit si dhe shkrimtarit Petraq Kote.
Në fjalën e falënderimit Kote u shpreh se: “Në vitin 1974 z. Rexhep Meta me mësonte rrugën drejt njeriut, sot shkëlqesia e tij biri, e nderon këtë njeri. Faleminderit z. President!”.
“Ke qenë Skënderbegas? Shkolla Skënderbej ka nxjerrë nga të gjitha fushat”, tha presidenti Meta duke iu drejtuar shkrimtarit.
Më herët në fjalën e mbajtur presidenti Ilir Meta u shpreh se: “Në vitet 80, i madh e vogël mësoi përmendësh fjalët e parodisë “Do martojmë Malon”, e cila u solli hare gjithë shqiptarëve të asaj kohe, të cilët argëtimin e vetëm e gjenin te artistët dhe humoristët shqiptar dhe sidmos te sofra e Myzeqesë”.
NDIQE LIVE "PANORAMA TV" © Panorama.al