Sekretari për Organizimin Dixhital në Partinë Demokratike, Endri Hasa thotë se dhuna e ushtruar në protestën e 8 janarit, është një formë negociate që ish-kryeministri Sali Berisha kërkon të bëjë me SHBA-të për të hequr non-gratën.
Hasa ka postuar një videon në rrjetet sociale ku gjatë një interviste, Berisha shprehej se “Ka vetëm një rrugë, të më kërkojnë publikisht ndjesë (SHBA-të)”.
Sipas Hasës, demokratët u ndanë përgjithmonë nga e shkuara.
Postimi i Endri Hasës:
As dhuna dhe as gënjeshtrat e Sali Berishës nuk do shndërrojnë Partinë Demokratike në “kokë dashi” për betejën e tij personale me Shtetet e Bashkuara të Amerikës. Demokratët e refuzuan përpjekjen e Berishës për të shkatërruar Partinë Demokratike dhe për t’u kthyer në mish për top për hallin e tij, ata u ndanë përgjithmonë nga e shkuara dhe po ecin drejt të ardhmes.
NDIQE LIVE "PANORAMA TV" © Panorama.al