Presidenti i grupit Eurosig-Insig dhe UBA Bank Kadri Morinaj, takime me krerët e Shkupit zyrtar

| 13:48
SHPËRNDAJE

Kadri MorinaKryeparlamentari Talat Xhaferi dhe Kryeministri i Maqedonisë së Veriut, Zoran Zaev u takuan me Presidentin e grupit Eurosig-Insig dhe Bankës së Bashkuar të Shqipërisë (UBA Bank), z. Kadri Morinaj.

Presidenti i Grupit Eurosig-Insig dhe Bankës së Bashkuar të Shqipërisë (UBA Bank), z. Kadri Morinaj, zhvilloi një takim Kryetarin e Kuvendit të Maqedonisë së Veriut, z. Talat Xhaferri, rreth bashkëpunimit dhe investimeve që ky Grup realizon në Maqedoninë e Veriut.

Tashmë vlera e investimeve të këtij Grupi në Shkup, konkretisht në zonën industriale Çojlië, arrin mbi 2.5 milionë euro. Krahas kësaj, investojnë në fushën e shërbimeve të aeroportit dhe hotelerisë ku vlera e investimit total arrin një shumë prej 4 milionë euro. Kryeparlamentari Xhaferri siguroi z. Morinaj për klimën pozitive në zhvillimin e sipërmarrjeve në vendin fqinj.

Kadri-Morinaj-dhe-Talat-Xhaferri1

Në takim ishte ambasadori i Republikës së Shqipërisë, SH.T. Fatos Reka dhe biseda u përqendrua në investimet e ardhshme të këtij grupi në Republikën e Maqedonisë së Veriut, që do të jenë në fushën e industrisë financiare.

Gjithashtu, Kryeministri i Maqedonisë së Veriut, z. Zoran Zaev, i kushtoi një pritje të veçantë Presidentit të Grupit Eurosig-Insig & UBA Bank, z. Kadri Morinaj, për vazhdimin e investimeve në këtë vend.

Në këtë takim z. Zaev falenderoi z. Morinaj për investimet e kryera prej miliona eurosh në Maqedoninë e Veriut dhe garantoi mbështetjen e tij maksimale për Grupin Eurosig-Insig & UBA Bank në investimet e ardhshme në industrinë financiare. Aktualisht investimet e Grupit në këtë vend kalojnë vlerën e 6.5 milionë euro, duke vënë theksin edhe tek investimet në fushën e shërbimeve të aeroportit dhe hotelerisë.

Kadri-Morinaj-dhe-Zoran-Zaev

Maqedonia e Veriut ka qenë dhe vazhdon të jetë në fokusin e Grupit Eurosig-Insig & UBA Bank, për të investuar dhe për të kontribuar në zhvillimin e këtij vendi.

Ambasadori i Republikës së Shqipërisë, Fatos Reka u shpreh me nota mjat positive për prezencën e Grupit Eurosig-Insig & UBA Bank, duke ofruar mbështetjen e tij edhe në bashkëpunimet e ardhshme në Maqedoninë e Veriut. Gjithashtu prezenca e OSBE-së në Shkup vlerësoi maksimalisht investimet e kryera deri më sot dhe inkurajoi Grupin për të zgjeruar aktivitetet në sipërmarrjet e z. Kadri Morinaj në vendin fqinj.

Ky tur i z. Morinaj në Shkupin zyrtar vërtetoi edhe njëherë se nuk mungon institucionale mbështetja, kur bëhet fjalë për t’i shërbyer komunitetit dhe për të kontribuar në ekonominë e Maqedonisë së Veriut.

Kadri-Morinaj-dhe-Talat-Xhaferri2

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.