Policia ka reaguar zyrtarisht lidhur me aksidentimin e eskortës së ministrit të Jashtëm, Ditmir Bushati. Në komunikatë thuhet se aksidenti ka ndodhur rreth orës 18:30 në vendin e quajtur “Ura Fanit”.
Në aksident janë përfshirë dy mjete të Ministrisë së Punëve të Jashtme. Bëhet fjalë për një përplasje mes makinës ku udhëtonte ministri Ditmir Bushati dhe një automjet që ishte pjesë e eskortës.
Komunikata
Sot me datë 08.04.2016 në orën 18:30 në vendin e quajtur Ura Fanit, në dalje të Autostradës Kalimash-Rrëshen, ka ndodhur një aksident automobilistik me pasoje vetëm dëme materiale (karambol) ndërmjet dy mjeteve të Ministrisë së Punëve të Jashtme, ne njërën prej të cilave ndodhej Ministri Ditmir Bushati.
Në vendngjarje u kryen të gjitha veprimet administrative nga Seksioni i Policisë Rrugore i Komisariatit të Policisë Mirditë për t’u trajtuar nga kompanitë e sigurimit për dëmin e shkaktuar. Ministri Bushati dhe të gjithë personat e tjerë që ndodheshin në të dy mjetet nuk kanë asnjë dëmtim.
NDIQE LIVE "PANORAMA TV" © Panorama.al