Bebe Rexha e ka mbajtur jetën e saj sentimentale larg vëmendjes së mediave.
Vetëm pak kohë më parë, ajo vendosi që të na prezantonte me partnerin, por nuk tregoi imazhin e tij.
Këngëtarja me origjinë shqiptare postoi një foto krah të dashurit në ditën e tij të lindjes, duke i mbuluar imazhin.
Megjithatë ishin mediat që e nxorën zbuluar këngëtaret, teksa zbuluan identitetin e mashkullit që i ka rrëmbyer zemrën.
Bëhet fjalë për producentin e filmave, Keyan Safyari dhe Bebe publikoi për herë të parë një foto të plotë me të ditën e sotme.
Të dy pozuan të veshur me të bardha teksa ndodheshin në një event.
Çifti janë parë për herë të parë së bashku në muajin mars kur u fotografuan të kapur për dore gjatë një shëtitje në LA, megjithatë nuk e bënë publike lidhje në rrjetet sociale.
Lidhja me Safyari është romanca e parë që Bebe Rexha ka bërë publike ndër vite.
Në një interviste në vitin 2017, këngëtarja pranoi se lidhja e saj e fundit ishte në vitin 2015.
Ndërsa në maj 2019, ajo u shpreh: “Mundohem që ta mbaj personale. Unë dua të gjej dikë që më do dhe që e dua, nuk më intereson nëse është djalë apo vajzë.”