Ministrja e Shëndetësisë, Ogerta Manastirliu nga foltorja e Kuvendit akuzoi opozitën se po e përdor politikisht pandeminë. Teksa citoi deklaratat e zyrtarëve të OBSH që të mos përdoret politikisht, ministrja tha se opozita në vendin tonë bën ping-pong politik.
Manastirliu i bëri thirrje qytetarëve që të zbatojnë masat, duke filluar nga mbajtja e maskës.
“Këtu pandemia po përdoret politikisht, madje është përdorur pa ardhur rasti i parë. Ping pong politik e kanë bërë ata që luajnë në selitë e vogla të partive dhe shpallin katastrofën që nuk u erdhi.
Ne nuk e kemi ndalur punën në këtë kohë shumë sfiduese. Këta flasin nga ato tavolinat u zgjuan pa pritur pas pushimeve verore dhe fillojnë recitojnë për ditë të njëjtin tekst.
Ndërkohë që mjekët dhe stafet tona mjekësore kanë 8 muaj që rrezikojnë jetën në shërbim të jetëve
Ndërsa këta të ngeshmit kërkojnë të zbatojmë planin me 4 pika.
Nuk po flas për testet dhe nuk e dinë që çdo vendim i qeverisë bazohet në vlerësimin e një komitet ekspertësh”, tha ministrja.
NDIQE LIVE "PANORAMA TV" © Panorama.al
