Keidi Pasha është i riu vetëm 20-vjeç, me origjinë nga Burreli, i cili humbi jetën pasi u ekzekutua ditën e martë, 13 gusht, në Volfsburg të Gjermanisë.
Ai ishte në shoqërinë e një tjetër shqiptari, i cili mësohet se ndodhet në gjendje kritike për jetën në spital.
Sipas mediave gjermane, ka qenë një person i cili nga një automjet në lëvizje, qëlloi gjashtë herë në drejtim të të riut i cili humbi jetën në vend.
“Dëgjova gjashtë krisma”, ka thënë një dëshmitar. Automjeti i autorëve është larguar me shpejtësi pas ngjarjes.
Miqtë e Keidit kanë shprehur gjithashtu dhimbjen në postimet në rrjetet sociale ku kanë publikuar edhe foton e tij.
NDIQE LIVE "PANORAMA TV" © Panorama.al