Leonardo DiCaprio është padyshim një hero i vërtetë. Aktori i famshëm raportohet se i shpëtoi jetën një burri që ra nga jahti në afër ishullit Saint Barthelemy.
Ngjarja ndodhi muajin e kaluar ndërsa ylli i Hollywood ishte me pushime në Karaibe.
Aktori i “Titanic” ishte me një varkë me qira me të dashurën e tij dhe disa miq më 30 dhjetor, kur dëgjoi se po bëheshin kontrolle për një burrë që kishte rënë nga një jaht i Club Med.
“Leo, miqtë e tij dhe kapiteni i tyre i anijes vendosën të bashkoheshin në operacionin e kërkim-shpëtimit dhe përpjekjet e tyre rezultuan në shpëtimin e jetës së burrit,”– tha një burim për People.
Burri qëndroi në ujë për 11 orë dhe u gjet gjallë nga DiCaprio vetëm 1 orë para se të binte nata dhe të fillonte një stuhi e madhe shiu.
NDIQE LIVE "PANORAMA TV" © Panorama.al