“Ata që kundërshtojnë kërkesat italiane në Evropë “arsyetojnë me një mentalitet të vjetër, me një pamje të pamjaftueshme të kësaj krize, e cila është simetrike dhe e jashtëzakonshme”. Keshtu ka thene kryeministri i Italise, Giuseppe Conte ne nje interviste per El Pais duke folur per situaten me te cilen po perballet vendi i tij, por edhe gjithe bota tashme.
Për ata që e pyesin nëse Italia do të këmbëngulë në eurobond, Conte përgjigjet: “Unë e quaja atë një Plan Evropian të Rimëkëmbjes dhe Ri-investimit; nuk po mendoj për një instrument të vetëm, por është koha për të prezantuar instrumente të zakonshme evropiane të borxhit”.
Sipas tij, “Problemi nuk është kur dalim nga recesioni, por te dalim sa më shpejt që të jetë e mundur. Koha është një faktor kryesor,” shton ai, duke theksuar se “Italia nuk kërkon të ndajë të gjithë borxhin e saj publik të akumuluar deri më tani. Askush nuk kërkon nga BE që të marrë borxhin sovran por vetëm të jetë në gjendje të bëjë një goditje për të dalë nga ky tsunam”.
Sipas tij, rreziku që urgjenca e koronavirusit do t’i japë jetë anti-evropianizmit në vende si në Itali, është e dukshme.
“Instiktet nacionaliste, në Itali, por edhe në vende të tjera, do të jenë shumë të forta nëse BE nuk është “lartësine e duhur”, thote ai, duke shtuar se “qeveria italiane po punon për një Evropë më sociale dhe paralajmëron: “numri i njerëzve të papunë që do të jene pas këtij cunami do të jetë shumë i lartë. Ne duhet të jemi në gjendje të veprojme para se te ndodhe kjo”.
Këto ditë, “ne jemi në fazën më të mprehtë. Ekspertët janë të kujdesshëm, por është e arsyeshme të mendojmë se jemi afër pikut”, shpjegon Conte për gazetën e Madridit.
Dhe kryeministri pretendon proporcionalitetin e masave kufizuese të vendosura dhe rihapjet e ardhshme.
Dhe kur u pyet nëse Italia do të jetë në gjendje të rihapet para përfundimit të pandemisë, Conte sqaron: “eshte e parakohshme të vendosësh. Kur Komiteti Shkencor te thotë se kurba ka filluar të bjerë, ne do të jemi në gjendje të studiojmë masa që do të ngadalësojnë” kufizimet. “Por do të duhet të jetë shumë gradual.”
NDIQE LIVE "PANORAMA TV" © Panorama.al
