Ekipi më me shumë tifozë në Shqipëri ka nisur prej tri javësh punën për ndërtimin e një kompleksi dinjitoz.
Gjatë prezantimit të drejtorit të ri sportiv që do të jetë Genc Tomori, presidenti i Partizanit, Gaz Demi tha se ka nisur puna pë sezonin e ri.
“Kryefjala mbetet fillimi investimeve në infrastrukturë, ndërtimin e Kompleksit Sportiv dhe stadiumit. Po punohet intensivisht me 3 turne në objekt dhe shpresojmë që brenda muajit Shtator të kemi gati stadiumin tonë”, tha Demi.
Genc Tomori ka meritë për ngjitjen e ekipit të dytë të Partizanit (Partizain B( në kategorinë e parë.
Trajneri i Partizanit, Sulejman Starova duke folur për kompleksin e ri, tha se me këtë hap synimi do të jetë edukimi i brezave me një frymë të re futbolli.
“Duke pritur ndërtimin e Akademisë , e cila do të jetë unikale në vendin tonë, synimi jonë do të jetë edukimi i brezave të rinj me një frymë të re për futbollin”, u shpreh Starova.
NDIQE LIVE "PANORAMA TV" © Panorama.al