Një ditë pas proçedimit penal në ngarkim të Drejtorit të Spitalit Rajonal të Lezhës, Nevruz Baze si dhe dy mjekëve të këtij spitali, policia ia ka referuar prokurorisë për nisjen e hetimeve për skandalin me kufomen e 60-vjeçarit që u transportua me kamionçinë.
Burime nga Policia e Lezhës kanë bërë të ditur, se Spitali është njoftuar se është gjetur një kufome rreth orës 6:10 minuta të ditës së shtune, por është refzuar që të dërgohet autoambulanca që të merrte kufomen për ta dërguar në morg.
Punonjësit e policisë kanë pritur për rreth 1 orë reagimin e spitalit dhe në këto kushte ata janë detyruar që ta dërgojnë kufomën për në morg me një mjet kamionçinë të rastit.
Në lidhje me pretendimet e policisë pritet që të thirren në prokurori në lidhje me ngjarjen Drejtori i Spitalit Nevruz Bare, si dhe dy mjeket të cilët do të paraqesin pretendimet e tyre për ngjarjen.
Nga ana tjeter 3 policet dhe një oficer hetimi në Komisaritin e Lezhës të cilët u bënë protagonist të pamjeve shokuese vazhdojnë të jenë të pezulluar.
Ata akuzohen se kanë shpërdoruar detyren me dhe kanë shkelur rëndë kodin rrugor me veprimet e tyre, ndërsa do jetë Ministria e Brendshme e cila në ditët në vijim do të vendosë për fatin e tyre.
Kufoma e 60-vjeçarit Gëzim Sula u gjet tre ditë më parë në anë të supërstrades Lezhë-Laç, ndërsa mënyra e trasportimit të tij për në morg me një kamionçinë tronditi opinonin publik.
