Ndryshim i kufijve në Ballkan? Reagon kancelarja Merkel, ja çfarë thotë

SHPËRNDAJE

Kancelarja gjermane Angela Merkel u shpreh kundër ideve për ndryshimin e kufijve të jashtëm në Ballkanin Perëndimor. Gjermania mbështet perspektivën evropiane të rajonit.

„Integriteti territorial i vendeve të Ballkanit Perëndimor është i përcaktuar dhe i paprekshëm. Kjo duhet të përsëritet gjithnjë, sepse ekzistojnë tendenca që çështjet e kufijve të hapet sërish. Kjo nuk mund të ndodhë. Duke u nisur nga ky fakt, ne jemi unik që vendeve të Ballkanit Perëndimor t’u jepet perspektiva e integrimeve evropiane”, deklaroi kancelarja gjermane Angela Merkel, pas takimit në Berlin me udhëheqësin e Këshillit të Ministrave të Bosnje-Hercegovinës, Denis Zvizdiq. Merkel tha se Bosnje-Hercegovina po angazhohet që sa më parë të marrë statusin e kandidatit për anëtarësim në BE dhe se Gjermania do ta mbështesë këtë vend në këtë rrugë aspak të lehtë, ku kanë mbetur edhe shumë punë që duhen kryer.

Merkel trifft Zvizdic in Berlin (picture-alliance/A.Hosbas )

Një moment tjetër në raport me Bosnje-Hercegovinën është edhe mundësia që ky vend të marrë statusin e kandidatit për anëtarësim në NATO. “Gjermania mendon se kjo mund të arrihet gjatë këtij viti”, theksoi Merkel në konferencën e përbashkët me Zvizdiq, pas takimit të tyre të mbajtur të hënën (13.08) në Berlin. Edhe Zvizdiq theksoi pas takimit se “ndryshimi i kufijve në Ballkanin Perëndimor ka përfunduar”.

Sa i përket rrugës së këtij vendi, Zvizdiq theksoi se “rruga evropiane nuk ka alternativë”. „Synimet më të rëndësishme të Bosnje-Hercegovinës janë anëtarësimi në BE dhe në NATO, që është e pamundur pa mbështetjen e Gjermanisë dhe Britanisë së Madhe. Kjo rrugë nuk ka alternativë  tjetër dhe ne do të përpiqemi të përgjigjemi në të gjitha pyetjet e nevojshme, me qëllim që sa më parë të marrim statusin e kandidatit për anëtarësim në BE”, theksoi Zvizdiq.

Merkel empfängt Zvizdic (picture alliance/AP Photo/M. Sohn)

Zvizdiq foli edhe për rolin e Turqisë në Bosnje-Hercegovinë. Ai tha se “Turqia kurrë nuk është përzier në punët e brendshme të Bosnje-Hercegovinës dhe nuk e ka penguar këtë vend në rrugën e integrimeve evropiane. Ndërsa kancelarja Merkel tha se “askush nuk është i interesuar që Turqia të destabilizohet ekonomikisht, por duhnt bërë të gjitha përpjekjet që Banka Qendrore e Turqisë të mbetet e pavarur”. „Gjermania dëshiron prosperitetin ekonomik të Turqisë. Kjo është në interesin tonë”, theskoi Merkel. DW

 

Te lidhura

 

Artikulli paraprakHistoria e rrallë e persekutimit/ Rrëfimi i vajzës së Abaz Kupit: Bëra 51 vite internim, si hanim bukë thatë dhe gjellë nga kazani me krimba
Artikulli tjetërHap garazhin e shtëpisë që i la gjyshi trashëgimi, djaloshi gjen 'thesarin' marramendës

S'KA KOMENTE

Comments are closed.