Këngëtarja Billie Eilish ndërpreu performancën e saj në skenë për të thirrur sigurimin, i cili nuk po i kushtonte vëmendje fansave që tentonin ta preknin atë. Sipas “Page Six”, artistja 19-vjeçare po performonte në Nju Jork të premten, por “mungesa e vëmendjes” së sigurimit pothuajse shkatërroi çdo gjë.
“Pse nuk po i kushtoni vëmendje turmës?“- bërtiti Eilish në drejtim të ekipit të sigurimit, duke ndërprerë performancën gjatë kohës që po këndonte “Happier Than ever”.
Billie drejtoi gishtin tek një zonjë në turmë, por është e paqartë arsyeja që e shqetësoi këngëtaren.
“E keni seriozisht? Bëni një punë, ju lutem!”,- vazhdoi më tej 19-vjeçarja.
Eilish vazhdoi të këndonte para se të ndalej për herë të dytë për të kontrolluar turmën.
“Jeni të gjithë mirë? A jeni mirë?”- pyeti ajo dhe turma iu përgjigj duke bërtitur me zë të lartë. Ky moment u filmua dhe u publikua në Twitter.
Megjithëse këngëtarja nuk e përmendi incidentin në mediat sociale, ajo e quajti performancën një nga “të preferuarat e saj të të gjitha kohërave“.
Kohët e fundit Eilish zbuloi se ka humbur mbi 100,000 ndjekës në Instagram pasi filloi të vishte më shumë rroba të hapura që i tregonin linjat trupore.
“Kam humbur 100,000 ndjekës, vetëm për shkak të gjoksit. Njerëzit kanë frikë nga gjoksi i madh,”– tha ajo gjatë intervistës për revistën “Elle”.
NDIQE LIVE "PANORAMA TV" © Panorama.al