Katër persona janë vrarë dhe 5 janë plagosur pasi u goditën me thikë nga një i ri në shtetin amerikan të Illinois.
Një nga të plagosurit raportohet se ndodhet në gjendje kritike për jetën. Viktimat janë një 15-vjeçare, një grua 63-vjeçe, një burrë 49-vjeç dhe një 22-vjeçar.
Autori i dyshuar i krimeve mësohet se është një 22-vjeçar, i cili është arrestuar dhe po merret në pyetje nga policia. Ndërsa motivi i sulmit mbetet i paqartë.
Një grua raportohet se në përpjekje për t’u larguar u godit me thikë në fytyrë dhe duar nga i riu dhe u plagos rëndë. Një grua që u përpoq ta ndihmonte gjithashtu u godit me thikë.
