“Unë mendoj se kam bërë një gabim. Mendova se kjo ishte shaka, por nuk është ashtu”.
Këto ishin fjalët e fundit të një pacienti 30-vjeçar që vdiq në Spitalin Metodist në San Antonio këtë javë pasi mori pjesë në të ashtuquajturën “festë COVID”, sipas spitalit.
Dr Jane Appleby, drejtori kryesor mjekësor për Spitalin tha në një deklaratë të regjistruar se pacienti i paidentifikuar u tha infermierëve për festën.
“Mendimi është që njerëzit të grumbullohen për të parë nëse virusi është i vërtetë dhe nëse dikush infektohet”, tha Appleby. Appleby tha se ndau historinë jo për të trembur njerëzit, por për të siguruar që ata ta kuptojnë se virusi mund të prekë këdo.
Qarku Bexar, ku ndodhet San Antonio, aktualisht ka 18,602 raste të konfirmuara, me një rritje prej 923 të premten, sipas Departamentit të Shëndetësisë.
Shkalla e moshës me shumicën e rasteve është tek ata rreth 20 deri në 29 vjeç, duke përbërë 24%, dhe 30 deri 39 vjeç, duke përbërë 20%, sipas departamentit.
NDIQE LIVE "PANORAMA TV" © Panorama.al
