Ministria e Shëndetësisë ka bërë të ditur sot se veç numrit të vdekjeve në Shqipëri që ka shkuar në total në 20 persona, ka dhe një shifër pozitive për personat e shëruar.
Në total sipas MSH janë shëruar nga COVID-19, 104 persona të prekur. Ndërkohë që shifrat në total vazhdojnë të rriten dhe të shkojnë në 361 persona në gjithë vendin.
Ministria ka bërë të ditur se 5 pacient janë në terapi intensive në Spitalin e Infektivit, dhe një person është i intubuar.
Ndërsa në spitalin e Sanatoriumit janë 6 pacientë në terapi intensive dhe 2 të intubuar.
“Lajmi i mirë është që gjatë 24 orëve të fundit kemi 5 pacientë të shëruar duke e çuar numrin e të shëruarve nga COVID-19 në 104.
Ju informojmë se, në shërbimin infektiv aktualisht janë 64 të shtruar. 5 prej tyre janë në terapi intensive ndërsa një është i intubuar.
Në spitalin COVID 2 “Shefqet Ndroqi”, janë 7 pacientë të shtruar gjithsej. 6 pacientë janë në terapi intensive, prej të cilëve 2 janë të intubuar, ndërsa 1 pacient ndodhet në pavion.
Në dy spitalet COVID aktualisht po marrin shërbim 71 pacientë”, thekson Ministria e Shëndetësisë.
Shpërndarja gjeografike e rasteve pozitive, është si vijon:
– Tiranë 174 raste
– Durrës 36 raste
– Lushnje 5 raste
– Elbasan 10 raste
– Fier 25 raste
– Kavajë 8 raste
– Rrogozhinë 4 raste
– Korçë 16 raste
– Vlorë 5 raste
– Shkodër 38 raste
– Lezhë 14 raste
– Berat 1 rast
– Has 9 raste
– Krujë 5 raste
-Tropojë 4 raste
– Pukë 4 raste
– Mirditë 3 raste