I vjen fundi marrëdhënies së Arbenitës dhe Feros. Duket se pika e fundit ka qenë sherri për Neymar, por çifti, që janë prindër të një vajze kanë pasur edhe më herët probleme.
Arbenita Ismajli ka realizuar së fundmi trendin e Neymar në “Tiktok”, mirëpo gjatë videos së publikuar modelja ka publikuar mesazhin që i ka dërguar futbollisti në “Instagram”.
Neymar i ka dërguar bukuroshes një “emoji” me fytyrë me zemra më 16 nëntor në orën 22:44 të pasdites dhe në mesazhet duket se modelja ia ka lënë “seen” sportistit.
Futbollisti nuk e ndjek Arbenitën në “Instagram”, sikurse dhe ajo, por detaji që u vu re ishte se bukuroshja dhe partneri i saj Fero nuk ndiqen më me njëri-tjetrin në rrjetin social.
Nuk dihet nëse dyshja i kanë dhënë fund marrëdhënies së tyre apo janë duke kaluar ndonjë krizë. Rreth dy javë më parë, Fero ishte i ftuar në “Më lër të flas” ku foli rreth raportit mes tij dhe Arbenitës. Menjëherë pas këtyre lajmeve, ka reaguar edhe vetë reperi, që e ka trajtuar me humor këtë çështje.
Teksa kishte hyrë “Live” në “Instagram”, Fero u shpreh me nota tallëse dhe ironike se Arbenita e ka lënë dhe se po vuan shumë për këtë gjë.
“Më ka lënë Arbenita, jam duke vuajtur. Kismet Arbenitës do t’i bëj 10 këngë se jam duke vuajtur”, u shpreh reperi.
Mirëpo pas reagimit të reperit duket se modelja e ka thumbuar publikisht babain e vajzës së saj. Arbenita publikoi një pjesë nga intervista virale e këngëtares Cher, teksa shprehet që meshkujt nuk janë aspak të rëndësishëm në jetën e tyre.
Kujtojmë se kjo krisje e çiftit i ka habitur të gjithë fansat, pasi vetëm disa javë më parë reperi ishte i ftuar në “Më lër të Flas” ku tregoi se marrëdhënia mes tij dhe Arbenitës është shumë mirë.
“Me Arbenitën kuptohemi për çdo gjë, unë jam i thjeshtë, ndonjëherë e humb kohën me gjëra që nuk ia vlen, ajo më kupton për çdo gjë”, u shpreh Fero.
Por, duket se debatet mes kësaj dysheje kanë qenë të shpeshta kohët e fundit, duke u konkluduar me një sherr që ka sjellë edhe raportet e ngrira mes tyre.
Xhelozia është një ndër shkaqet më të shpeshta që kanë çuar në sherr çiftin, që tashmë i kanë fund lidhjes së tyre. Dyshja prej vitesh kanë pasur një histori me ulje dhe ngritjet e veta, duke u ndarë dhe ribashkuar disa herë.
Edhe para se të bëheshin prindër, modelja dhe reperi i dhanë fund, duke mos i kursyer ironitë në rrjetet sociale.
“Është më mirë të mos kesh askënd, sesa të kesh dikë që është pjesërisht aty, ose nuk dëshiron të jetë aty”, ishin fjalët e modeles, të cilat u cilësuan si një thumb për Feron.
Por, shumë pak kohë pas këtij postimi, Arbenita publikoi foto me barkun e rrumbullakosur, duke konfirmuar kështu edhe rikthimin me partnerin. Mbetet për t’u parë nëse kjo ndarje është sërish momentale, apo këtë herë përfundimtare.
NDIQE LIVE "PANORAMA TV" © Panorama.al