Gjatë natës dhe mëngjesit të sotëm, në Preshevë kanë arritur më shumë se 2 mijë persona, gra dhe fëmijë nga Siria, Iraku, Afganistani dhe shtetet tjera.
“Që nga mbrëmë rritje drastike e refugjatëve”, ka thënë për ‘Tanjug”, Ahmet Halimi nga Kryqi i Kuq, i cili theksoi se edhe në qendrën e pranimit për refugjatë janë pranuar rreth një mijë të tjerë. Sipas tij, pritet një numër edhe më i madh refugjatësh të hyjnë në vend orët në vijim.
Halimi ka thënë se Kryqi i Kuq momentalisht ka ushqim të mjaftueshëm dhe mjete higjienike, por qumështi për fëmijë është duke u mbaruar.
