Kryeministrat e Polonisë, Sllovenisë dhe Republikës Çeke kanë mbërritur me tren në Kiev për t’u takuar me presidentin ukrainas Volodymyr Zelensky dhe kryeministrin e vendit Denys Shmyhal.
Kryeministrat mbërritën në emër të këshillit të BE-së, tha kryeministri ukrainas në Twitter.
Udhëheqësit do të diskutojnë “mbështetjen e Ukrainës dhe forcimin e sanksioneve kundër agresionit rus”, shtoi ai.
Kryeministri polak Mateusz Morawiecki gjithashtu postoi në Twitter fotot nga takimi me dy homologët e tjerë.
“Këtu, në Kievin e shkatërruar nga lufta, po shkruhet historia. Pikërisht këtu, liria lufton kundër botës së tiranisë. BE-ja mbështet UA-në, e cila mund të llogarisë në ndihmën e miqve të saj – ne e sollëm këtë mesazh në Kiev sot”, tha ai.
NDIQE LIVE "PANORAMA TV" © Panorama.al