UPDATE/ Drejtori i Policisë së Shtetit, Haki Çako, duke folur për masakrën e ndodhur në Elbasan shprehet se, ngjarja ka ndodhur pas një konflikti të vjetër, për të cilin policia kishte dijeni. Çako tha se, të gjitha strukturat po bëjnë një analizë të detajuar të ngjarjeve, ndërsa foli dhe për përgjegjësi nga ana e Policisë. Çako shtoi se, Ardian Çipa në krye të punës për zbardhjen e ngjarjes, ku mbetën tre persona të vrarë dhe shtatë të tjerë të plagosur.
“Ngjarja është vërtet shumë e rëndë dhe policia ka mbërritur menjëherë në vendngjarje dhe është vënë në kërkim të autorëve. Shkak për ngjarjen është bërë një konflikt i hershëm. Sot ndodhemi në një pamundësi reale të deklarimit të disa autorëve të një sërë ngjarjesh të mëparshme. Ne marrim përgjegjësitë tona.
Por, do të thosha se e gjithë policia është e mobilizuar për të bërë analizën e gjithë dinamikës së kësaj ngjarje. Ne jemi në kontakt, dhe kuptohet që çdo ngjarjen hetohet nën mbikëqyrjen e prokurorit. Çdo iniciativë që buron nga policia është në mirëkuptim të plotë me Prokurorinë, në këtë rast të Elbasanit”, tha Çako në një lidhje telefonike për televizionin “News24”.
Policia ‘kreh’ kodrat e fushat, kontroll 150 garazheve
Policia e Elbasanit zbardh detaje nga operacioni për zbardhjen e masakrës me 3 të vrarë dhe 8 të plagosur rëndë një natë më parë në lagjen “Emin Matraxhiu” të qytetit. Sipas policisë, persona të paidentifikuar kanë qëlluar me armë zjarri në ambientet e brendshme të lokalit në pronësi të shtetasit Agron Çapja.
Deklarata e plotë e policise
Kanë mbetur të vrarë shtetasit:
- Agron Çapja, 50-vjeç, banues në Elbasan.
- Ardit Sinakoli, 27-vjeç, banues në Elbasan.
- Eno Bedalli, 38- vjeç, banues në Elbasan.
Të plagosur në gjendje të rëndë shtetasit:
- Ardian Zharri, 45-vjeç banues në Elbasan.
- Fejzulla Çapja, 58-vjeç, banues në Elbasan.
- Ferit Muca, 42-vjeç banues në Elbasan
- Luan Muca, 47-vjeç ,banues në Elbasan
- Bujar Rreshka, 40-vjeç banues në Librazhd
- Florenc Çapja, 35- vjeç banues në Elbasan
- Arnold Çapja, 23-vjeç, banues në Elbasan
- Erdis Sulku, 33- vjeç, banues në Elbasan
Nga veprimet e para hetimore, në vendin e ngjarjes u gjetën e u sekuestruan në cilësinë e provës materiale:
- 2 armë zjarri automatik model 56, me një krehër pa fishekë
- Një automatik model 56 ,me një kreher pa fisheke
- 1 kreher automatiku model 56, me 26 fisheke
- 65 gëzhoja model 56 ,me kapsolla të goditura,
- 3 predha kalibër 7,62mm.
Grupi hetimor po punon intensivisht për identifikimin dhe kapjen e autorëve. Gjatë gjithë natës Forcat Renea, FNSH dhe Policia e Elbasanit kanë ushtruar dhjetëra kontrolle në banesa, në Elbasan, Peqin, Cërrik, Librazhd e Gramsh.
Gjithashtu janë kontrolluar në akset rrugore e në qytete automjete të dyshuara që mund të lëviznin autorët.
Janë krehur me këmbë zona kodrinore e fushore ku dyshohej se mund të fshiheshin autorët apo mund të kishin braktisur makinën. Si dhe janë kontrolluar mbi 150 garazhe makinash në hyrje të pallateve. Janë shoqëruar për verifikim 46 shtetas.
Një grup Specialistësh të Krimeve të Rënda në Drejtorinë e Policisë së Shtetit, të kryesuar nga Drejtori i Krimeve të Rënda, në bashkëpunim me Specialistët për Krimet e Rënda në Drejtorinë e Policisë Elbasan si dhe me Prokurorinë e Rrethit Gjyqësor Elbasan po vijojnë punën për zbardhjen e ngjarjes.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Vrasja në rrethana të tjera cilësuese kryer në bashkëpunim” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 79, 25 dhe 278/2 të Kodit Penal.
***
Mëngjes me kontrolle intensive nga ana e policisë mund të quhet ky i sotmi në Elbasan, një ditë nga masakra që la tre viktima dhe plagosi 8 të tjerë gjatë një sulmi me armë në një lokal.
Ora 08:00
Ka shkuar në rreth 46 numri i personave të shoqëruar që mendohet të japin informacione rreth asaj që ndodhi në mbrëmje.
Sipas burimeve policore mësohet se këta persona janë shoqëruar për verifikimet e nevojshme.
Ndërkohë që policia vijon kontrollin e mjeteve në akset rrugore, ku dyshohet se mund të lëvizin autorët dhe në mbi 150 garazhe automjetesh.
“Janë krehur me këmbë zona kodrinore e fushore ku dyshohej se mund te fshiheshin autorët apo mund të kishin braktisur makinën.Si dhe jane kontrolluar mbi 150 garazhe makinash në hyrje të pallateve”-njofton policia.
Ora 00:08
Forcat e policisë vazhdojnë kontrollet për kapjen e autorëve të masakrës. RENEA dhe FNSH-ja kanë kryer me dhjetëra kontrolle duke bërë shoqërimin e 18 personave për verifikim. Kontrollet përveç qytetit të Elbasanit janë shtrirë dhe në Peqin dhe Librazhd si dhe në akset rrugore të Qarkut të Elbasanit.
Ora 23:00
Sipas drejtorit të spitalit të Traumës, Gjovalin Bushi, 3 nga të plagosurit janë në gjendje më të rëndë. 2 nga ata do t’ju nënshtrohen ndërhyrjeve kirurgjikale.
Kane mberritur ne Spitalin e Traumes te plagosurit e pare te derguar me urgjence drejt Tiranes. Janë gjashtë persona të plagosur rende ne Masakren e Elbasanit, tre prej te cileve kane mberritur ne Tirane.
Ora 22:05
Burime nga vendngjarja konfirmojne se ata janë Agron Çapja, Arnold Çapja dhe Eno Bedalli. Ndërsa të plagosur janë: L. Mecja, B. Rreshka A. Zharri A. Capja
Disa persona të armatosur kanë qëlluar me kallashnikov në një lokal në lagjen periferike të Krastës dhe janë larguar me shpejtësi.
Sipas të dhënave paraprake mësohet se personat e armatosur ishin maskuar me uniforma të Policisë.
NDIQE LIVE "PANORAMA TV" © Panorama.al
