Pak ditë më parë një foto e bërë publike nga balerina dhe moderatorja Hueyda El Saied, teksa darkonte me Albi Nakon dhe një tjetër mikeshë, u komentua mjaft, edhe pse ajo kishte sqaruar se ishin miq shumë të ngushtë.
Mesa duket pas lajmeve që pushtuan rrjetin për dy personazhet e njohur, Hueyda si fillim ka vazhduar batutën duke publikuar një tjetër foto në krah të Albit dhe dy mikeshave të tjera, duke pyetur sesi dukeshin dëshmitaret e dasmës së tyre.
E ndërsa ditën e sotme përmes një postimi, ajo ka sqaruar me dashamirësi se mes Albit dhe saj ka vetëm një miqësi shumë të ngushtë.
“Te nderuar miq gazetare te gazetave roze, ju lutem qetesohuni ! Une e di qe ju e doni fort Albin si dhe vdisni te kerceni Napolinin apo Pogonishten. Ju siguroj qe kur te martohet do te jem deshmimtarja e dasmes se shokut tim te ngushte e do te kercej e kendoj pareshtur… Fundjave te kendshme !”, ka shkruar ajo.
