FIER- Një 40- vjeçar ka humbur jetën si pasojë e përplasjes së makinës së tij me një mur rrethues. Ngjarja e rëndë ka ndodhur mëngjesin e sotëm në lagjen 1 Maji të qytetit të Fierit.
Viktima, që ishte edhe drejtuesi i mjetit është identifikuar si, Sokol Nani, i cili gjeti vdekjen pasi humbi kontrollin e makinës.
Ai është ndarë nga jeta menjëherë në momentin e përplasjes, ndërsa ishte i vetëm në automjet.
Paraprakisht mendohet se aksidenti ka ardhur si pasojë e shpejtësisë tej normave të lejuara, por policia po heton për zbardhjen e plotë të shkaqeve që çuar në këtë aksident.
NDIQE LIVE "PANORAMA TV" © Panorama.al
