Pentagoni ka bërë të ditur se SHBA do të dërgojë ndihma shtesë për Ukrainën që kapin vlerën e 550 milionë dollarëve.
Ndihma ushtarake e realizuar nga Shtetet e Bashkuara, përfshin municion si dhe raketa të kalibrit të ndryshëm për sistemet moderne raketore.
“Sot Departamenti i Mbrojtjes ka njoftuar për autorizimin e marrë nga presidenti, për një pako tjetër të asistencës ushtarake që kap vlerën e 550 milionë dollarëve, dedikuar për ushtrinë ukrainase. Ky autorizim për dërgimin e armëve është i 17 në administratën e Bidenit”, thuhet në kumtesën e Pentagonit.
Deri më tani Shtetet e Bashkuara kanë ndihmuar Ukrainën me armë të ndryshme, që kapin vlerën e 8.8 miliardë dollarëve që nga fillimi i pushtimit rus më 24 shkurt.
NDIQE LIVE "PANORAMA TV" © Panorama.al