“Largohu me vapën në gusht, se në shtator…” Nard Ndoka paralajmëron Ramën

SHPËRNDAJE

“Largohu së bashku me vapën në gusht, se në shtator do fryjë erë e fortë për ty e dordolecat që ti kujton, se do të trembësh të tjerët”. Paralajmërimi i adresohet Kryeministrit Edi Rama dhe bëhet nga deputeti opozitar Nard Ndoka.

“Dështove Edi Rama; premtove shtet ligjor, por ndërtove shtet dordolecësh”, e akuzon Ndoka kreun e qeverisë.

 

Reagimi i plotë i deputetit Nard Ndoka në rrjetet sociale

Shtet ligjor, apo shtet dordolecash?!

Dordoleci vihet kryesish në kopshte e ara të mbjella për të trembur shpendët.

Edi Rama ka ndërtuar një shtet “ligjor” dordolecash, në qënder ka vendosur vetën për të trembur të tjerët; drejtuesit e institucioneve, nēpunēsit, qytetarët dhe këdo tjetër.

Promovon në teori shtetin ligjor; me ligje, vendime e udhëzime, por në praktikë; vendos një dordolec në krye për të frikësuar të tjerët dhe asgjë më shumë.

Burg për ato që abuzojnë me energjinë elektrike; vendos “dordolecin”, si standard. Burgos qytetarë, i detyron të vetvritën dhe i varfëron pafund; por dordolecin nuk e kanë frikë oligarkët që vjedhin energjinë elektrike, haptazi dhe me bekimin e dordolecëve.

Burg për ato që ndërtojnë pa leje; dordoleci përseri mbi kokat e qytetarve, por oligarkët shembin shtëpi dhe ndërtojnë kulla, presin pemë dhe ndërtojnë pa leje, zgjerohen duke shkatërruar përreth, dordoleci ul kokën përpara tyre, apo bashkëpunon me to.

Dordoleci i varur në çdo plazh për qytetarët; por oligarkët gllabëruan hapësirat publike. Humbën jetë njerzish në det, se mbi kullat e shpëtimit kishte dordolecë; jo ruajtës jete, si ligji e parashikon.

E prapë dordoleci kryeminister, flet për shtet ligjor!

Deshtove Edi Rama; premtove shtet ligjor, por ndërtove shtet dordolecash!

Largohu sëbashku me vapën në gusht, se në shtator do fryjë erë e fortë për ty e dordolecat që ti kujton, se do të trembësh të tjerët.

Koha jote mbaroj, kuptoje kaqëgjë, se pastaj ti e din; dordoleci shkulet krejt lehtë!

 

Te lidhura

 

Artikulli paraprak“Donte të më përdhunonte, por unë e kafshova”/ Flet shqiptari i akuzuar nga turistja angleze: Çfarë ndodhi atë natë në pishinë...
Artikulli tjetërVeprimi që po frikëson Ballkanin, Serbia merr dy avionë ushtarak MiG29 nga Rusia

S'KA KOMENTE

Comments are closed.