Gjykata e Lezhës ka dhënë masën e sigurisë arrest me burg për Florian Përvathin, i cili tre ditë më parë vrau bashkëfshatarin e tij, Lek Lekgjonaj.
Ndaj adoleshentit janë ngritur tre akuza “Vrasja për gjakmarrje”, “Mbajtje pa leje e armëve dhe municioneve luftarake” dhe “Prodhimi dhe mbajtja pa leje e armeve te gjuetisë dhe sportive” parashikuar nga nenet 78/a, 278/1 dhe 280 te Kodit Penal.
Gjatë kontrollit në banese atij ju gjet dhe nja armë gjahu, ndërsa prokuroria i ka kërkuar gjykatës masën e sigurisë “arrest në burg”.
VRASJA
Ngjarja ndodhi rreth orës 12:00 të së hënës në fshatin Manati, ndërsa viktima është shtetasi Lek Lekgjonaj, banues në këtë fshat.
Katër plumba e prekën në organet jetësore, duke i shkaktuar vdekjen e menjëhershme, ndërsa autori u prangos nga Policia disa minuta pas ngjarjes, si dhe u sekuestrua arma e krimit, një pistolete me mulli.
Autor është 17-vjeçari Florian Përvathi, banues në fshatin Manati dhe krimin ka deklaruar se e ka kryer në shenjë hakmarrjeje, pasi vëllai i viktimës i kishte vrarë babanë kur ishte vetëm 4 vjeç.
Referuar dinamikës së ngjarjes, bëhet me dije se adoleshenti e ka planifikuar mirë vrasjen.
RAPORTI
Referuar raportit të policisë, i cili tashmë i është përcjellë Prokurorisë, rezulton se 17-vjeçari Florian Përvathi menjëherë pas ngjarjes ka shkuar te zyra informacionit në Komisariatin e Policisë Lezhë, ka lënë armën mbi tavolinë dhe i traumatizuar e në gjendje të rënduar psikologjike ka thënë se kishte qëlluar me armë dhe vrarë një person.
EKSPERTIZA
Sipas raportit të ekspertizës mjekoligjore, 65-vjeçari ishte qëlluar me 6 plumba dhe njëra prej tyre ka qenë në kokë.
“Në kufomën e shtetasit Lek Lekgjonaj vërehen 6 vrima hyrjeje dhe 3 dalje. Është kryer autopsia dhe në pjesën e kafkës është gjendur një predhë e deformuar në dukje armë për të cilën është përpiluar vendimi i ekspertit balistik”, thuhet në raportin mjekoligjor. Gjithashtu, është përpiluar dhe vendimi i ekspertimit teknik balistik të armës dhe gëzhojave.
Ndërkohë, gjatë kontrollit të banesës së Florianit është gjetur dhe një armë në dukje gjahu. 17-vjeçari Florian Përvathi ekzekutoi të hënën me armë zjarri fqinjin e tij Lek Lekgjonaj, pasi vëllai i këtij i të fundit i kishte vrarë babanë në vitin 2009.
