Një lëkundje tërmeti është regjistruar pak momente më parë, e cila është ndjerë në Tiranë dhe zonat përreth.
Paraprakisht tërmeti u tha se ka një magnitudë prej 5.4, ndërsa më vonë faqja evropiane e tërmeteve e uli këtë shifër në 5.0. Epiqendra u raportua në Hamallaj.
Tërmeti u regjistruar rreth orës 21:15 minuta.
Nga ana tjetër, Ministria e Mbrojtjes bëri me dije se sipas IGJEUM, tërmeti kishte një magnitudë prej 4.9 me thellësi 7 km me epiqendër 3 km në veri të fshatit Bubq në Fushë Krujë.
“Goditja kryesore e orës 21.15 me magnitudë 4.9 i shkallës rihter, me thellësi 7 km, me epiqendër ne fshatin Bubq. Goditja është shoqëruar nga pasgoditje me te vogla, te cilat shoqërojnë aktivitetin sizmik të 26 nëntorit”, sqaron Ministria e Mbrojtjes.
Lëkundja është ndjerë në një sërë qytetesh të Shqipërisë.
Pas tërmetit të parë, u regjistrua edhe një lëkundje e dytë më e vogël prej 3.3, i regjistruar rreth orës 21:31 minuta.
