Mediat zvicerane raportuan se një 17 vjeçar shqiptar me banim në Zyrih kishte humbur pa lënë gjurmë pasi kishte lënë takim me një femër të panjohur në Facebook.
Lajmi, i publikuar fillimish nga portali “blick am abend”, u përhap me shpejtësi edhe për shkak se disa personalitete të njohur, mes të cilëve një reper, vendosën ta përhapin lajmin në faqet e tyre në rrjetet sociale me qëllim që të gjendej i riu.
Por pasi lajmi u përhap rezultoi se 17 vjeçari Ilir Mustafi e kishte sajuar të gjithë historinë.
Në një mesazh të lënë në faqen e tij në Instagram Mustafi shkruante “Nuk jam takuar me asnjë njeri të rremë dhe nuk më kanë rrëmbyer. Nuk isha i lumtur dhe jam në kërkim të vetvetes”.
Jeta e tij ishte ndjerë e kotë, kishte pirë shumë alkool, kishte gënjyer dhe ishte tallur me këdo. “Mendoja se isha një djall i vërtetë. Por mendoj se kushdo mund ta kontrollojë veten nëse bën një përpjekje dhe i dedikohet Zotit”.
Ai i kërkon falje familjes dhe i thotë kujtdo që përhapi lajmin e zhdukjes : “Ju lutem mos e frikësoni më familjen time, unë do të kthehem”.
NDIQE LIVE "PANORAMA TV" © Panorama.al