Izair Emini është zyrtarisht një futbollist i Shkëndijes së Tetovës, pavarësisht mosmarrëveshjes me klubin e Kukësit. Verilindorët pretendojnë se lojtari është akoma nën kontratë me ta, ndërsa sulmuesi pretendon të kundërtën.
Për zgjidhjen e kësaj çështje klubi i Kukësit i është drejtuar FIFA-s dhe ata presin një dëmshpërblim prej 250 mijë euro nga lojtari pasi sipas tyre ka moszbatim të kontratës dhe Emini e ka prishur atë në mënyrë të njëanshme.
FIFA-a vendosi pak ditë më parë në favor të sulmuesit, gjithsesi klubi verilindor nuk është dorëzuar, duke përgatitur një tjetër padi, me pretendimin se ata kanë të drejtë.
31-vjeçari u prezantua ditën e djeshme me kuqezinjtë nga Tetova përmes një video të postuar në faqen zyrtare të klubit.
NDIQE LIVE "PANORAMA TV" © Panorama.al
