Policia e Shkodrës, bazuar në informacionet e marra në rrugë operative, ka mësyrë për kontroll në disa lokale në vendin e quajtur “Fusha e druve”, në lagjen “10 Korriku”, për kapjen e personave që qarkullojnë me armë zjarri apo me sende të kundërligjshme me vete.
Gjatë kontrollit të ushtruar në një nga lokalet, Policia tha se u konstatua një shtetas që mbante zjarri me vete, i cili sapo ka parë punonjësit e Policisë, ka tentuar ta hedhë armën në ambientet e jashtme të lokalit.
“Gjatë kontrollit në banesën e këtij shtetasi u gjet dhe u sekuestrua një sasi lënde narkotike e dyshuar cannabis sativa”, tha policia.
Specialistët për Hetimin e Krimit bënë arrestimin në flagrancë të shtetasit Leart Trushi, 31 vjeç.
Ai do të akuzohet për veprat penale “Mbajtja pa leje e armëve, armëve shpërthyese dhe e municionit”, “Prodhimi dhe shitja e narkotikëve” dhe “Pastrimi i produktit të veprës penale”.
NDIQE LIVE "PANORAMA TV" © Panorama.al
