Pas spektaklit “Gjeniu i Vogël” në “Tv Klan”, Klea Huta e ka shfrytëzuar këtë periudhë jashtë ekranit për të realizuar një set të ri fotografishh artistike me Armand Sallabandën. Për pamjen e saj në fotot në fjalë është kujdesur Miranda Dupi. Ajo sërish na prezantohet në stilin ujë e sapun, pa e tepruar me make up-in dhe veshjen. Ndryshe nga fotot e mëparshme në pozat ku shfaqet e shpenguar, Klea ka ekspozuar këmbët e saj, që lejohen të duken nga një këmishë xhins që mbante veshur. Nuk e dimë nëse këto foto i paraprijnë një projekti të ri televiziv apo oferte në teatër e kinema, pasi profesioni i saj i parë është i aktores.
