Njihuni me Marina Badianova, një 58-vjeçare nga Shën Petersburgu, në Rusi. Ajo krijon kostume të ndryshme të personazheve të trilluara nga filma vizatimorë, ashtu si edhe nga imagjinata e saj.
“Bright Side” ndan historinë e Marina-s me të gjithë.
Ajo e filloi duke ndihmuar vajzën e saj me një set fotografik.
E gjitha filloi në vitin 2012 kur Marina po ndihmonte vajzën e saj me kostume për një set fotografik, dhe asaj i pëlqeu vërtet procesi. Por seti fotografik që realizoi në vitin 2014 ishte ai që e bëri të njohur tek shumë fotografë të tjerë, që u dashuruan me punën e saj.
Marina ka qenë një zonjë viktoriane, një pirate, një dukeshë, një shtrigë, një perëndeshë greke, një mbretëreshë, dhe shumë e shumë personazhe të tjera.
Të gjitha kostumet e saj janë të detajuara dhe shërbejnë për të paraqitur sa më mirë karakterin që ajo po përpiqet të përcjellë.
“Më pëlqen të shpik dhe krijoj imazhin e personazhit,“- tha Marina. “Është gjithashtu e rëndësishme t’i” prezantosh mirë në xhirime, pasi ky është ndoshta momenti më interesant. Por gjithçka zhvillohet vetvetiu.”
Motivet e saj të preferuara janë fantazia, mesjeta, përrallat, mitet dhe legjendat.
Asaj më së shumti i pëlqen të jetë një personazh përrallash, përfshirë ato nga tregimet e vjetra ruse. Ajo e gjen bukurinë unike në personazhet që janë afër saj në moshë, kështu që i mishëron me kënaqësi ato.
Marina ka disa këshilla për të gjithë njerëzit krijues.
“Bëni atë që doni pa marrë parasysh çfarë,”- thotë ajo. “Nëse bëni diçka për të cilën jeni të apasionuar, diçka që është interesante për ju dhe e bëni për veten tuaj, atëherë, herët a vonë puna do t’ju paguhet!“.
