Prokuroria e Riminit ka kërkuar burgim të përjetshëm për shqiptarin Dritan Demiraj, i cili akuzohet se ka vrarë me thikë ish-të dashurën e tij rumune dhe të dashurin e saj italian.
Ngjarja ka ndodhur në vitin 2014, ku Dritan Demiraj, i ndihmuar edhe nga e fejuara e tij, Monica Sanchi dhe daja Sadik Dine kanë kryer vrasje të dyfishtë.
Demiraj vrau ish-të dashurën e tij rumune, Lidia Nusforfi më 1 mars të vitit 2014 në stacionin e trenit në Rimini, pasi kishte vrarë më 28 shkurt të atij viti, Silvio Mannina-n, të dashurin e saj italian.
Këtë të fundit ai e vrau në banesën e tij, i ndihmuar nga e fejuara dhe daja, Sadik Dine. Prokuroria e Riminit ka kërkuar burgim të përjetshëm për dajën e tij peshkatar, si edhe 30 vjet burg për të fejuarën, Monica Sanchi-n. Krimi dyshohet se ka ndodhur për hakmarrje.
Gjykata eshte terhequr dhe do ta marre vendimin final me 15 mars te ketij viti.
NDIQE LIVE "PANORAMA TV" © Panorama.al
