Java e tretë e Kategorisë Superiore do të vendosë në zbatim ndryshimin e orarit të fillimit të ndeshjeve. Sfidat e dy javëve të para kishin dy orare, 16:00 dhe 19:00, ndërsa që nga fundjava e ardhshme, takimet e Superiores do të luhen në orën 14:00 dhe 17:00.
Supersfida e kësaj jave, dueli Skënderbeu-Partizani do të luhet po të shtunën, me fillimin në orën 17:00. Të dy skuadrat vijnë nga barazimet e javës së dytë dhe kanë nevojë për një sukses për të mos humbur ritmin që u duhet për kreun.
Pretendentja tjetër për titull, Kukësi, pret të dielën në drekë Laçin në fushën e vet, në një duel shumë të komplikuar. Ndërsa java do të mbyllet me sfidën e orës 17:00 mes Teutës dhe Flamurtarit.
NDESHJET
E shtunë, më 23.09.2017
Lushnja-Kamza 14:00
Luftëtari-Vllaznia 14:00
Skënderbeu-Partizani 17:00
E diel, më 24.09.2017
Kukësi-Laçi 14:00
Teuta-Flamurtari 17:00
NDIQE LIVE "PANORAMA TV" © Panorama.al
