Me zyrtarizimin e kandidaturës së Halim Kosovës në garën për Bashkinë e Tiranës në zgjedhjet e 21 Qershorit, vendin e deputetit demokrat do ta zërë ish-deputeti i PS Asllan Dogjani.
Ai ka qenë deputet i Partisë Socialiste në Kuvendin e Shqipërisë. I lindur në Kukës më 15 nëntor 1967, është zgjedhur deputetet për Qarkun e Kukësit në zgjedhjet e përgjithshme të vitit 2009.
Dogjani ka kryer studimet në Akademinë e Rendit Publik, Tiranë, Shkollën e Gjuhëve të Huaja, Toronto, Kanada, dhe studimet për drejtësi në Fakultetin e Drejtësisë, Tiranë. Mban një master në drejtësi penale nga ky fakultet.
Ai ka punuar si specialist i Policisë Kriminale në Shkodër, në Forcat Renea, Inspektor dhe Shef i Policisë Kriminale në Komisariatin Nr. 4 në Tiranë, dhe Drejtor Policie për Qarqet Fier, Gjirokastër dhe Shkodër.
Asllan Dogjani ka mbajtur po ashtu postin e Shefit të Sektorit të Koordinimit të Territorit në Drejtorinë e Përgjithshme të Policisë.
NDIQE LIVE "PANORAMA TV" © Panorama.al
